الجوري والامل

20 273

متابعة

*اولد طبيعي ولا قيصري؟ ركزي معايا يا ست الكل عشان احنا مش نازلين نجيب طرح و بنختار بين البني والنبيتي وخليكي فاكره ان ولادتك الاولي هتحدد كل ولاداتك الي بعد كده لو قيصري الي جاي هيبقي قيصري لو طبيعي هيبقوا بامر الله طبيعي -الولادة الطبيعية البكرية بتاخد تقريبا من ١٠-١٢ ساعة (من بداية انتظام الطلق) لحد ما البيبي ينزل، اثناء الفترة دي حضرتك بتاخدي حقنة الولادة بدون الم (epidural ) وتقعدي تتفرجي عالاعادة بتاعة مسلسل لا تطفئ الشمس وتكتبي بوستات عالفيسبوك لحد ما الدكتور المسكين الي قاعد جنبك يفحصك يلاقي عنق الرحم فتح تماما فيدخل يولدك وانتي مازلتي تحت تأثير المخدرات و مش حاسة بنص جسمك الي تحت، بعد الولادة ب٤-٦ ساعات تروحي عالبيت وتبدأي تمارسي نشاطاتك العادية الولادات الي بعد كده هتبقي طبيعي ان شاء الله و هتاخد نص الوقت و نص المجهود تقريبا بتاع المرة الاولي -اي واحدة حامل في حملها الاول في بيبي واحد راسه تحت ورجليه فوق في عدم وجود اي سبب يستدعي الولادة القيصرية زي سكر الحمل وارتفاع ضغط الدم بالحمل او اي تشوهات في الرحم او الحوض او الجنين تولد طبيعي *طولك لو اكتر من ١٥٠ سم تولدي طبيعي *وزن البيبي لحد ٤ كيلو تولدي طبيعي *خايفة من الوجع هتاخدي حقنة الولادة بدون الم وتولدي طبيعي *خلصتي التاسع و مجاش طلق نستني اسبوع في العاشر عشان تولدي طبيعي *استنينا اسبوع في العاشر ومجاش طلق هتاخدي طلق صناعي و تولدي طبيعي *بنت خالتك جالها شبكة ب٣٠ الف و ولدت قيصري هتولدي طبيعي *جسمك من تحت مش هيبوظ و بعد اذنك اولدي طبيعي الولادة الطبيعية من كتر ما هي سهله ومشاكلها قليلة الغرب بيسندها لاشخاص مدربين عالولادة (Mid wife ) مش دكاترة نسا الولادة عموما طبيعي او قيصري تجربة شاقه علي الام واحنا بنحاول نسهلها بقدر المستطاع بس لو الاختيار في ايدك بلاش تعرضي نفسك لعملية بتعتبر من العمليات الكبري بكل مضاعفات التخدير وفتح البطن عشان معتقدات غير صحيحة بعضنا طلعها وانتوا ساعدتوا في نشرها

إكتشف محتوى اكثر

تعليقات

  • 😍 em leen 😍

    2019-01-25 11:56:08

    حبيبتي شكرا على معلوماتك وجزاكي الله خيرا وتانيا انا باول طفل والله صار عندي وجع وما كنت اعرف انو طلق وجارتي ممرضه قلتلو لزوجي هيدا طلق وفورا رحنا علمستشفي والله فتت ع غرفة الولادة مافي ٥دقايق ولا انا موالدة والحمدلله يعني مش شرط ١٠او١٢ساعة الله يقوم جميع الحوامل بخير وسلامه يارب

  • أم أحمد

    2019-02-22 05:53:35

    بجد حسيت اقد ايه الولادة سهلة و هينة و عمالة الستات يكبروها كتير و قال لازمن حفاضات لانك مش هتتحكمي في البول. انا ولدت مرتين قيصري و ما عنديش رغبة في اي عملية بعد كده و الدكتور قللي قيصري . بتنصحوني بايه؟

  • Em Adam😍

    2019-01-27 01:11:22

    انا بصراحة تعقدت من اشي اسمو ولادة طبيعية لأنو ولادتي كانت كتير صعبة بس لما شفت ابني نسيت كل شي 😍

">
‎استخدم تطبيق TeflyLife لعرض تعليقات 6 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح
‎أدوات الأم والطفل
‎معلومات اليوم الأكثر شعبية للأم والطفل

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن