الختان وتشوية الأعضاء التناسلية

الختان وتشوية الأعضاء التناسلية

العزيزات ..

سن ة 2016 صادف إني شاركت في إستفتاء مع سيدة دنماركية فاضلة كانت بتحضر رسالة الدكتوراه الخاصة بها عن الختان في المجتمعات العربية ..

وقتها بعد ما سألتني بعض الأسئلة بشكل شخصي سألتني : تفتكري ليه الستات أكتر المشجعات للختان ؟
وقتها مكنتش على المستوي دا من الادراك ولا حتى دارسة بنفس المستوي لكني افتكرت كل المواقف اللي سيدات وقفوا فيها ضد بنات هم  ضد اخواتهم .. ضد نفسهم .
وايقنت انه القهر معدي .. واللي نجوا من رغبتهم في قهر الاخرين زي ما اتعرضوا للقهر .. تقريبا نسبة تكاد لا تذكر .
النهاردة هانتكلم عن حقيقة ا كب ر من انه حتى اننا نقول عنها انها مزعجة .. هانتكلم عن جريمة تشوية الاعضاء التناسلية للسيدات .. المسماه ختان .

من سن 9 سنين بيتم عملية تشوية الاعضاء التناسلية بحجة الشرف والعفة وحماية البنت من الانحلال . وصراحة الأمر لا يختلف ابداً عن فكرة محاكمة الساحرات اللي تمت في القرون الوسطي في دول اوربا انه اي ست تكون مختلفة تبقي ساحرة وبالتالي اي بنت عندها عضو تناسلي ربنا خلقها بيه هي منحرفة إلي أن نقطع حته منه .! على اساس ايه وليه ؟ محدش عارف ؟!

تعالو نعرف ايه هو تأثير تشوية الاعضاء التناسلية من منظور طبي
و طبق ا لرأي العديد من الاطباء اللي اتكلموا في الموضوع دا الالف المرات فطبيا لا يوجد ما يسمي قطع جزء من الجهاز التناسلي بغرض التجميل ..!
ثانيا : هل يقلل ختان الأنثى من شهوتها؟
الإجابة (العلمية) هنا هي لا.
* لا، لأن الشهوة تنشأ أولاً من هرمونات في المخ بمنطقة المهاد التحتي والغدة النخامية، تعطي الإشارة لإفراز الهرمونات الجنسية المباشرة، إستروجين وبروجستيرون في المرأة وتستوستيرون في الرجل، وكلاهما يفرز من الغدة الكظرية (اللي مكانها فوق الكِلية)، ومن المبايض للأنثى ومن الخصية للرجل.

وبالتالي لو عاوز فعلا تمنع البنت من الانحراف يبقي شيل المبايض أو نشيل الغدة الكظرية من فوق الكلية.

الجزء اللي بيتم ازالته من العضو التناسلي للمرأة هو الجزء اللي بيسهل حدوث الاثارة وبالتالي هو مش بيوقف الشهوة هو بيشوه احساسك بالشهوة وقدرتك على التجاوب معاها .. ودا بالظبط نفس فكرة اننا نخيط بق حد عشان مياكلش لكن رغبته في الاكل مراحتش في حته هي بس اتشوهت ومبقاش عنده قدرة ياكل .


لما بيتم ازالة الجزء دا من جسم البنت بيأثر عليها ازاي نفسيا ؟

تخيلي أو تخيل إنه عند سن 9 سنين اتاخدت قهرا لمكان مبهم وبحضور مجموعة من الاشخاص او الام والطبيب او الام والممرضة أو أيا كان الشخص المرافق اترشلك بنج وتم قطع جزء من جسمك حساس جدا وفضلت تنزف ل فترة وقدراتك على التعامل بشكل طبيعي في ابسط حقوقك زي دخول الحمام بقت م وجع ة وغير محتملة ..
تخيل نفسية ال طفل ة دي .. وبعدين تخيل نفسيتها لما تيجي تتجوز وجوزها يتهمها بالبرود أو يتهمها بعدم التجاوب .. تفتكر دي نفسيتها تكون عاملة إزاي ؟
إللي بيحصل للبنت دا يندرج تحت صدمة الايذاء الجسدي والتعنيف والتعريض لخطر في الحياة وتشويه صورتها الذاتية عن نفسها وبالتالي يسبب لدي البعض صدمة نفسية ترافق الشخص طوال حياته سواء على المستوي الجسدي او النفسي .


وفقا لتقارير اليونسيف اكثر من 130 مليون سيدة 29 دولة تم ختانهم في منطقة افريقيا والشرق الاوسط .

الصومال 98% وبتم بين سن 4-11 سنة وبيكون الحريص على تنفيذها السيدات المسنات حرصا على ال تقاليد

جيبوتي 93% وفي لجنة بتحاول تقلص الرقم دا ل 40% خلال الخمس سنين الجايين
مصر 91% رغم وجود قوانين ورغم انه بقالنا سنين بنتكلم في نفس الكلام بس لسه الصعيد والقري والمحافظات بيتم فيها ختان

موريتانيا 69% دي قصة تانية هما بيعملوا دا عشان متخيلين انه بيحمي البنت من العقم مع انه الطب الحديث اثبت انه القطع في المنطقة دي بيشوه الجهاز التناسلي مما قد يؤدي لمشكلات جسيمة اثناء الولادة الطبيعية لإنه بيعرض المهبل للتشوه .

تشوية الاعضاء التناسلية جريمة غير منتهية في حق البنت وتعتبر تحت بند الايذاء الطقسي الوثني اللي بدء بغرض وثني في الحضارة الفرعونية والفينيقية بهدف التقرب من الالهة والحصول على الخلود .. وفجأة بقي طقس اساسي وأل ايه له مرجعية دينية .!

القهر يُطبع، ثم يُستبطن، ثم يُوَرَث للأسف...

تشوية الاعضاء التناسلية جريمة في حق كل بنت لازالت بتعاني من تبعاتها لدلوقتي .. متكرريش المأساة وتخلي بنتك ضحية تانية لإنه دورك تحميها .

بتمنالكم كل الوعي والنجاه

جومانا حمدي

معالج نفسي

طفلي لايف

تم الإستعانة بالرأي الطبي : لدكتور محمد أبو الغيط
مصدر الصور : google


إكتشف محتوى اكثر

تعليقات

  • زهرة الزنبق

    2020-03-27 20:17:58

    ماعدنه هذا الشي في العراق

  • ألحب الأعمى

    2020-03-21 10:55:47

    الحمد لله ع نعمة الاسلام الختان للولد وليس للبنت هيج الرسول كال

  • زائر-33058652

    2020-03-10 17:51:21

    حلوووو

‎استخدم تطبيق TeflyLife لعرض تعليقات 204 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن